لو قالك شريك حياتك دى الشي ايش راح يكون ردك؟؟

[devil]

السلام عليكم ورحمه الله وبركاااته :go0173:

شوفوا انا راح أدخل في الموضوع دغري ,,,,


بصراحه حبيت أنقاااش دى الموضوع معاكم لأنه سار لصااحبتي وكااانت النهاايه

بينهم تعيسه:( :(



أتخيل جاء يوم فرحك ويالله أنزفيت لشريك حيااتك وانت (ي) طاير (ه) من الفرحه ,,


ويالله رحتوا لعش الزوجيه حقكم ومن يوم ما طبت رجولكم البيت قال (ت) لك أسمع (ي)

زي ما دخلنا بالمعروف راااح نخرج بالمعروووف وانت (ي) طبعا مانت (ي) فاهم (ه)

ولا شي وقلت (ي) وضح (ي),,,!!!!!

وقال (ت) لك أنا بصراحه أتزوجتك غصب عني وأنا رضيت فيك بس عشااان ماابى

أزعل أهلي مني وكمااان ماابى الناااس تتكلم عني ,,,

وأنا بصراااحه ماأكن لك بمشاااعر ولا في يوم من الايااام اتمنيتك تكون (ي) شريك (ة)

حياااتي وأنا في حيااتي أحد تاااني يعني من الاخر انا بحب انسااان غيرك,,,,



وأنت (ي) في ديك اللحظه أكيد نفسك الارض تنشق وتبلعك ,,,

يعني الإنسااان الي كنت تتمنااه يكون شريك حياااتك طلع في الاخير انسااان يضحك

عليك ويتلاعب بمشااعرك,,,,

بالله عليك (ي) ايش راح يكون رده فعلك؟؟؟؟


وانا مااكتبت دى الموضوع إلا لاني متاثره بصاااحبتي والله حزنتني وقطعت قلبي

كمااان لانها بالفعل حبته حب صادق في الاخير ...... فرحها في يوم واليوم التاني مطلقه,,,, بالله ايش ذنبها !!!!!


ودى الكلاااام ينطبق على الاتنين ,,,, والله حرااام



وأنا حبيت اشاركم في دى الموضوع ,,, وابى اسمع ردودكم فيه,,,

واتمنى من كل عضو يدخل ويقرا الموضوع انه يشرفني برده ,,,,:) :)

[السـاهـر]

كمااان لانها بالفعل حبته حب صادق في الاخير ...... فرحها في يوم واليوم التاني مطلقه,,,, بالله ايش ذنبها !!!!!



طيب وين الكلااام هــذااا قـــبل ما يــجي يووووم الزوواج


الــلــه يـــعــــــين

[رغد الشريف]

بصراحه ماني عارفه ايش ارد بس الله يعينها ؟؟

[الفارس الملثم]

بسم الله الرحمن الرحيم
وبعد
لله الامر من قبل ومن بعد والحقيقه يا اختى ما فى اى داعى للكلام بشان ما حدث لسبب انو ما راح نبكى على اللبن المسكوب هو اخذ قرار من جانب واحد وهى اكيد مصدومه ومظلومه مالها ذنب وصار الواقع بطلاقها
ولكن
اعلمى ان ها الشاب لن ينجو بفعلته فقد فطر قلب زوجته من اللحظه الاولى وان الله لا يغفل عنه وعن فعله وسيرد عليه ما فعل يوما ما اما الاخت المطلقه فلها الله وهو ارحم بها من اى شخص فى الدنيا وقد تتزوج زوجا ما كانت لتحلم به فى حياتها يصونها ويحفظ كرامتها
شكرا لكى اختى تقبلى مرورى
الفارس الملثم

[devil]

اشكركم على ردودكم الحلوه الي شرفتوني فيها,,,,

[------X]

بصراااااااحه شيء يقهررررر
المشكله مو في الولد المشكله في البنت الضعيفه الرجال يشف له وحده غيرها وأحسن ريحته من بدري
لكن البنت الضعيفه اش ذنبها والله حرااااااااااام

بصراااااااحه شيء يقهر
ولو كنت مكااانه راح أزعل وأسوي نفسي قدام الناااس مني زعلانه وإنه أحسن ربنا فكني منه قبل ما أجيب عيال وأتورط معاااااه


وشكرا لك ديفل والله يكووون في عووون صااحبتك
آمين
بس نصيحه مني لصاحبتك : قولي لها لاتزعل والله الدنيا ماتستاهل
وشكرا لك

[BlAcK 8 BaLL]

بسم الله

اولا احب اني اقول عن هذا الرجل ماله شخصية وهمه كلام الناس اكثر من همه للبنت اللي ظلمها معاه

وربنا يجازي كل واحد على قد نيته

وكل شي قسمة ونصيب


ويعطيكي العافية على الموضوع الحلو

[ليلى فور افر]

مشكوره ديفو على الموضوع انا برايي حرام

كدا يسوي لو هوا مايبغاها اوكي محد قلوا شي بس مو يطلقها

من تاني يوم كدا كلام الناس حيكتر عليها وانتوا عارفين ايش قصدي

هدا غير حرقة قلبها المسكينه الله يكون بعونها

تقبلي مروري ديفو

دمتي بود وحب

[ريكا]

لا تعليق


بس الحمد لله انه ماسار شي بينهم امكن دا الي مهون على الموضوع وطبعا في المصيبة الي هيا فيها تصبر وتشوف ايش ممكن يسير اسوأ من كدا



وتقبلي مروري

ريكا

[handsome<guy]

والله مصيبه انا وانا بقراء الموضوع انكتمت علشان اتخيلت نفسي في داا الموقف
وتجي وحده تقولي كده يالطيف انا لومكان الشخص داا ما استحمل وممكن اموت
تقبلي مروري handsome<guy

[ألخيال]

عزيزتي

اولا تحمد ربنا عاى كل حال وبعدين الله سبحانه وتعاله اكيد راضي عنها الي كشفلها الحقيقه قبل ما يصير اي شي

واكيد ربنا حيعوضها عاى صبرها خير

تقبلي مروري بود



الخيااااااااااااااااال

[فروحه]

حراااااااااام تيب هي ايش ذنبهااا المفروووووووض مايتزوجها من البداااااااايه وربي مو قف صعب االله يعينهاااا

[Ro0oZ]

مااقدر اقول الا الله يعينها ويعوضها ف الي احسن منه ..