مهرهـ
31-Mar-2007, 05:25 AM
السلام عليكم
تعالوا نشوف انواع شخصيات بعض البنات
البنت الكشخــــــــه
هذي من تشم ريحة طلعة
تروح تطق لك الميك آب وذاك اللبس وتقعد تزين في هالشعر من استشوار وزيت هنود ( على شان اللمعان ) وهات يا بـــــخ من هالعطورات من كل نوع بخه
وحتى لو حصل لها بف باف بخت منه
وفي الأخــــــير مايهمها الطلعه وين
هي رايحه للسوق ..
للجامعة..
زيارة عائلية ...
كاشخه يعني كاشخه
لو تكون الطلعه انشاء الله لفة حول البيت المهم أكون كاشخـــه
البنت الدلــــــــوعه
الدلع غريزة في البنت .. ( اللهم لا أعتراض )
يعني البنت اذا ما لقت حد دلعها ..
هي تدلع نفسها ( عادي ماتعوق معها )
لكن فيه دلــــع عن دلــــع يفرق .. مش كل نجمه بالسما تبرق
الدلع اللي يجي على طبيعته .. ياااااااحلوه
لكن الدلع المصطنع .. وووااااااااع ع يبط الكبد ..
ودك تشوتها إذا جت تتكلم تقول علك تتمغط يمين ويسار
البنت الشلاخـــــــــه
عاد هالفئه هذي ياهم قاهرييييييني وفاقعين مرارتي ودي أدوس في بطونهم
ويا كثرهم ... الكذب عندهم بقرش
توديك البحـــــر وترجعك عطشان من كذبها
والعجيب الكذب عندها ماشي سوقه ..
تجيب لكم ذيك اكذبه اللي الواحد يخافسقف بيتهم يطيح عليهمن كذبها
وأكبر من ذكا تدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر الشهور.. وتسألها هاااه جوالك ما نزل ؟؟
تقولك لسه .. يمكن منع دخوله )
البنت العصبيه
وااااي حريقـــــــه .. لا تحرقك ..
هذي لو تمر الذبانه عند خشتها ( خشمها ) هاوشتها
وما تبتسم ابد ... ولو ابتسمت صكت ضروسها
تصلح في السلك العسكري
والله يعين زوجها يسكن قدام اقرب مستشفى ويفضل يكون قريب من باب الطوارئ
اسرع له لا يروح فيها ..... ويتبرع بالدم كل ثلاثة شهور لانه هو المستفيد الأول والأخير من الدم هذا
البنت لملســــونه
هذي لسانها يلوط اذانها
السانها دايم ناشب في حلقها
وعسى ما تقولها كلمه إلا ردت عليك بعشر
يعني توقف عند الاشاره وجنبها سياره فيها شاب..
وتجيك تقول : شوف هذا قليل الأدب من الصبح يلاحقني ..
مالت عليه .. ودك من يسنعه .. لازم أهزئه عشان يحرم يلحق أحد ..
وهو مهوب يمها الضعيف هو في وادي وهي في وادي ثـــاني
هذي تصلح بودي قارد .... ولا حارس عماره
بنت راعية سواليف
هذي النوعية متعبة مررررررة
خذها معاك بسفره طويله بالسياره
محاضره بالجامعه طويله وممله
حطها مع ناس بكمان ( طرمان ) تسولف لهم
عندك مقابله شخصيه لوظيفه وتنتظر دورك
بس عيبها شي واحــــــــد
ثــــــرثـــــــــــــاره وتنفـــــــخ الــراس
تجيك تسولف تسولف تسولف... ويالله عاد سكتها إن كنت شاطر
من وين تجيب هالسواليف ماأدري..
وأتحدى إن خلتك تسولف .. مافيه ماكله الجوا عليك
بس تصدقون تحصلها ضعيفه ( نحيفه ) لان وقت الأكل الناس يأكلون وهي تسولف
الناس يشبعون أكل وهي لسه ما اشبعت كلام
البنت الضعيفة
( دابت ... رجيم كيماوي 2000 )
فيه بنات تشوفهم تقول ذولي بنات ولا شباب لا جسم ولا حلاوه
ضعيفاااااااات جسمهم تقول حبل الغسيل
هذي زينه وشينه
الزين مافيه ما تاكل وايد
( يا خوفي تطلع مثل اللي ينقال عنها الأكل اكل حوت والحال مسحوت )
والشين فيها بقاياها كثيره بعد الأكل يعني القطاوه بيعمرون جنب بيتها
وبيسون مستوطنات جنبها هذا اذا ما احتلوا بيتها
واللبس لا تخاف سمول سايز
يعني لو سافرت لا تخاف من المقاس جيب اي شي سمول وانت مطمأن بيجي مقاسها
وبعدين طبعها هاذي ... كل شي موافقه ما تقول لأ ابد ألا أذا طلعت نحيسه شي ثاني .. هذي حاله شاذه
البنت الفرفـــــــــــوشـــــــــه
يعني تحب الضحك والفرفشة والتعليق ..
دمها خفيف مــــــــــره ( بس لا تسألون كم وزنه ما أعرف )
النكد والطفش ماتعرفة ..
وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف ..
تروح تشوف وجههاا بالمراية وتقعد تعلق على نفسها وتضحك
هذي لا تفوتكم ..... اذا كانت صديقتك عازمتك على زواجها ومستحيه تقولين لأ لانك ما تعرفين حد هناك ..... أخذيها معاك على طوووووول دون تردد
تراها مثل البف باف تبخ بضحكها على جميع الأتجاهات وتقتل النكد
البنت اللي شايفة نفسها ( ثقيلة دم )
يااااكثر البنات اللي شايفات انفسهم ..
البعض منهم يحق لها تشوف نفسها..
أحم أحم ماني قايل لكم من فيكم بالمنتدى
لكن بلاااااك اللي ما تدري وين كوعها من بوعها .. رافعه خشتها فوق الناس
على ايش شايفة نفسها ... مادري
ماتكلم الناس إلا من طرف خشمها ...
واذا ردت ترد عقب الشين
هذي يبيلك تجيب لها خلاطة سمنت وتصبها على راسها
ممكن نسوي منها تمثال الحريه بالجامعه
بنت راعية الطرب والشكشكة
هذي بكل زواج تحصلها موجوده
هي معزومه مش معزومه مش مهم
المهم تسمع الطار والطبل ( وتستنزل )
وما تمشي إلا بمسجلها ..
وأشرطتها في شنطتها .. وكلهم احمدوووه - وقدره ( لزوم الطرب والشكشه )
واذا سمعت فيه حفله لفطومــــا الكويتيه جاتك تركض تحجز لها مقعد
وبيتك الله يعينك تقول بيت طقاقه وهي من شريط الى شريط
والشياطين مبسوطين محصلين لهم ملفى عندكم
اصــــــــــلا ..
هذي إن جلست معها جاك الزيران غصب وبتصير مثلها
ومستقبلك الوظيفي مضمون في الفرقه اللي هي بتسويها
البنت العـنيــــــــــده
بالطبع العنيده تختلف عن العنود
شجاب الى جاب
بعض البنات عنيدااااات
يعني إذابغت شي سوووووته ولا عليها من أحد
تنجلد.. تنطق.. تنحبس.. تتصفق.. تتلسب بالعقال ..
ماعليها أهم شي اللي في بالها سوته
هذي امرها بسيط
خلك اعقل منها
اذا بغيت تروح مجمع السيف قولها بوديك عالي
هي بتوقلك لا ما أبي عالي ودني السيف بكذا انت كسبت
بس تعال وينك الخوف تقول لك لا ما أبي عالي ودني الدانــــــه
الله يعينك عليها .... بس وينك كل شهر سوي فحص بالمستشفى عن الضغط والسكر
لأنه حتما لزما راح يجيك لا محاله منها
البنت الحنـــــــانه ( تززززززن )
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدنـــــــدره
يعني إذا بغت شي تقعد تحـــــــــــــــــــــــــــــن على راسك لين تعطيها اللي تبيه يعني لا تحاول ..... مثل الطاحونه ويمكن ارحم بعد
النوعيه هذي يبيلك تشتري سدادة أذن لك و كبر لها الوساده وخلها اللين تتعب
بس يونك لا تنسى تراجع طبيبك كل اسبوع مره اكيد بيصير عندك ورم براسك من كثر الزن والحن
البنت الكـــــريـمه
هذي النوعيه من البنات فـلـــــــــــه
عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله لك
فواتيرك مسدده
البترول لسيارتك ببلاش
ثياب العيد لا تفصلين ولا تحاتين روحي معاها السوق
والعطورات والهدايه كل اسبوع
وكل سنه الصيف بباريس والهدايا ما تنساك بس خلك لزقه معاها
واذا كانت مقتدره مره بشري بسيارتها لك
النوعيه هذي تصلح وقت اخر الشهر ( فطور وغداء وعشاء ببلاش )
البنت الغــيـــــوره
كل البنات غيورات لكن نسبت الغيره عندها تختلف من وحدة للثانية ..
بعض البنات يغاروون .. بس يعرفون شلون يدارون غيرتهم عن الغير
بس كويها يا ويلك منها ( تكويك صح وتذوقك الغيره على أصول )
وفيه غيره بسنع يعني زينه تخفيها وتنظر للموضوع بأنه عادي
بنت الســــــوق
هــــــذي بس لو تجيب طاري الســـــوق وهي نايمه فـــــزت
لا تعرف غايله ولا شمس ولا حر ولا برد ولا مطر
عوامل التعريه ما تأثر فيها
برمـــــــــائـيـــــــــه ما شاء الله عليها
هذي النوعيه كل اخبار السوق الجديد والقديم تحصله عندها
يعني لا تتعبين نفسك وتدورين المحلات كلها وتطيح رجولك
خذيها معاك وراح تدلك جميع محلات الموضوه وشنهو الجديد اللي نزل بالسوق
وفوق هذا الاسعار وشنهو الهدايه اللي يعطيها راعي المحل لزباينه
الناس هوايتهم اشياء مفيده بس هي هوايتها السوق
اصحاب المحلات عرفوها وصاروا ما يعطونها وجه من كثر ما تسأل ولا تشتري
الأفضل لا تمشين جنبها تراك بتخسرين ما راح حد يعطيك وجه
البنت الـطبــــــاخــــــه
كل اشرطة الفيديوا حقت افنان الزياني عندها
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
وأن جيت لريحتها ما تفرق بينها وبين ريحة المطبخ
تقول يستخدمون نفس العطر
وتكون مميزه .. دبــــــــــدوبـــــــــه
وقرعة اللماعين عندها سيمفونية بيتهوفون
بس طباخه .... تستفيدين منها لو تزوجتي بتعلمك
هم بعد احسن من غيرها عند الشدايد والبطون
بنت أم دمعـــــه
لا تحسبونه نوع جديد من العيش ( الرز )
مثل ابومنجا ...ولا الربيانه ... ولا الزيتونه
لا هذي البنت اللي دمعتها على الباب
لو تقولها .. بخ .. صاحت
هذي لو تقول لها قطوا الجيران ماتت صاحت عليه
تقول عندها دمـــــوع زايده ولا عارفه وين تصرفها
هذي زينه تخذينها معاج لميلس عزه ....
بتعزين عند ناس ..
وحده قاهرتك وتبين تضيقين خلقها .....
بس انتبهي من شي لا تخذينها معاك لفرح . بقلبينه منياحه لهم
بس زينه خذيها معاك عند باب مسجد تطرين معاها هااااه حلوه تكون معاك
انتم يا بنات المنتدى من اي نوع قولوا بصدق
تعالوا نشوف انواع شخصيات بعض البنات
البنت الكشخــــــــه
هذي من تشم ريحة طلعة
تروح تطق لك الميك آب وذاك اللبس وتقعد تزين في هالشعر من استشوار وزيت هنود ( على شان اللمعان ) وهات يا بـــــخ من هالعطورات من كل نوع بخه
وحتى لو حصل لها بف باف بخت منه
وفي الأخــــــير مايهمها الطلعه وين
هي رايحه للسوق ..
للجامعة..
زيارة عائلية ...
كاشخه يعني كاشخه
لو تكون الطلعه انشاء الله لفة حول البيت المهم أكون كاشخـــه
البنت الدلــــــــوعه
الدلع غريزة في البنت .. ( اللهم لا أعتراض )
يعني البنت اذا ما لقت حد دلعها ..
هي تدلع نفسها ( عادي ماتعوق معها )
لكن فيه دلــــع عن دلــــع يفرق .. مش كل نجمه بالسما تبرق
الدلع اللي يجي على طبيعته .. ياااااااحلوه
لكن الدلع المصطنع .. وووااااااااع ع يبط الكبد ..
ودك تشوتها إذا جت تتكلم تقول علك تتمغط يمين ويسار
البنت الشلاخـــــــــه
عاد هالفئه هذي ياهم قاهرييييييني وفاقعين مرارتي ودي أدوس في بطونهم
ويا كثرهم ... الكذب عندهم بقرش
توديك البحـــــر وترجعك عطشان من كذبها
والعجيب الكذب عندها ماشي سوقه ..
تجيب لكم ذيك اكذبه اللي الواحد يخافسقف بيتهم يطيح عليهمن كذبها
وأكبر من ذكا تدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر الشهور.. وتسألها هاااه جوالك ما نزل ؟؟
تقولك لسه .. يمكن منع دخوله )
البنت العصبيه
وااااي حريقـــــــه .. لا تحرقك ..
هذي لو تمر الذبانه عند خشتها ( خشمها ) هاوشتها
وما تبتسم ابد ... ولو ابتسمت صكت ضروسها
تصلح في السلك العسكري
والله يعين زوجها يسكن قدام اقرب مستشفى ويفضل يكون قريب من باب الطوارئ
اسرع له لا يروح فيها ..... ويتبرع بالدم كل ثلاثة شهور لانه هو المستفيد الأول والأخير من الدم هذا
البنت لملســــونه
هذي لسانها يلوط اذانها
السانها دايم ناشب في حلقها
وعسى ما تقولها كلمه إلا ردت عليك بعشر
يعني توقف عند الاشاره وجنبها سياره فيها شاب..
وتجيك تقول : شوف هذا قليل الأدب من الصبح يلاحقني ..
مالت عليه .. ودك من يسنعه .. لازم أهزئه عشان يحرم يلحق أحد ..
وهو مهوب يمها الضعيف هو في وادي وهي في وادي ثـــاني
هذي تصلح بودي قارد .... ولا حارس عماره
بنت راعية سواليف
هذي النوعية متعبة مررررررة
خذها معاك بسفره طويله بالسياره
محاضره بالجامعه طويله وممله
حطها مع ناس بكمان ( طرمان ) تسولف لهم
عندك مقابله شخصيه لوظيفه وتنتظر دورك
بس عيبها شي واحــــــــد
ثــــــرثـــــــــــــاره وتنفـــــــخ الــراس
تجيك تسولف تسولف تسولف... ويالله عاد سكتها إن كنت شاطر
من وين تجيب هالسواليف ماأدري..
وأتحدى إن خلتك تسولف .. مافيه ماكله الجوا عليك
بس تصدقون تحصلها ضعيفه ( نحيفه ) لان وقت الأكل الناس يأكلون وهي تسولف
الناس يشبعون أكل وهي لسه ما اشبعت كلام
البنت الضعيفة
( دابت ... رجيم كيماوي 2000 )
فيه بنات تشوفهم تقول ذولي بنات ولا شباب لا جسم ولا حلاوه
ضعيفاااااااات جسمهم تقول حبل الغسيل
هذي زينه وشينه
الزين مافيه ما تاكل وايد
( يا خوفي تطلع مثل اللي ينقال عنها الأكل اكل حوت والحال مسحوت )
والشين فيها بقاياها كثيره بعد الأكل يعني القطاوه بيعمرون جنب بيتها
وبيسون مستوطنات جنبها هذا اذا ما احتلوا بيتها
واللبس لا تخاف سمول سايز
يعني لو سافرت لا تخاف من المقاس جيب اي شي سمول وانت مطمأن بيجي مقاسها
وبعدين طبعها هاذي ... كل شي موافقه ما تقول لأ ابد ألا أذا طلعت نحيسه شي ثاني .. هذي حاله شاذه
البنت الفرفـــــــــــوشـــــــــه
يعني تحب الضحك والفرفشة والتعليق ..
دمها خفيف مــــــــــره ( بس لا تسألون كم وزنه ما أعرف )
النكد والطفش ماتعرفة ..
وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف ..
تروح تشوف وجههاا بالمراية وتقعد تعلق على نفسها وتضحك
هذي لا تفوتكم ..... اذا كانت صديقتك عازمتك على زواجها ومستحيه تقولين لأ لانك ما تعرفين حد هناك ..... أخذيها معاك على طوووووول دون تردد
تراها مثل البف باف تبخ بضحكها على جميع الأتجاهات وتقتل النكد
البنت اللي شايفة نفسها ( ثقيلة دم )
يااااكثر البنات اللي شايفات انفسهم ..
البعض منهم يحق لها تشوف نفسها..
أحم أحم ماني قايل لكم من فيكم بالمنتدى
لكن بلاااااك اللي ما تدري وين كوعها من بوعها .. رافعه خشتها فوق الناس
على ايش شايفة نفسها ... مادري
ماتكلم الناس إلا من طرف خشمها ...
واذا ردت ترد عقب الشين
هذي يبيلك تجيب لها خلاطة سمنت وتصبها على راسها
ممكن نسوي منها تمثال الحريه بالجامعه
بنت راعية الطرب والشكشكة
هذي بكل زواج تحصلها موجوده
هي معزومه مش معزومه مش مهم
المهم تسمع الطار والطبل ( وتستنزل )
وما تمشي إلا بمسجلها ..
وأشرطتها في شنطتها .. وكلهم احمدوووه - وقدره ( لزوم الطرب والشكشه )
واذا سمعت فيه حفله لفطومــــا الكويتيه جاتك تركض تحجز لها مقعد
وبيتك الله يعينك تقول بيت طقاقه وهي من شريط الى شريط
والشياطين مبسوطين محصلين لهم ملفى عندكم
اصــــــــــلا ..
هذي إن جلست معها جاك الزيران غصب وبتصير مثلها
ومستقبلك الوظيفي مضمون في الفرقه اللي هي بتسويها
البنت العـنيــــــــــده
بالطبع العنيده تختلف عن العنود
شجاب الى جاب
بعض البنات عنيدااااات
يعني إذابغت شي سوووووته ولا عليها من أحد
تنجلد.. تنطق.. تنحبس.. تتصفق.. تتلسب بالعقال ..
ماعليها أهم شي اللي في بالها سوته
هذي امرها بسيط
خلك اعقل منها
اذا بغيت تروح مجمع السيف قولها بوديك عالي
هي بتوقلك لا ما أبي عالي ودني السيف بكذا انت كسبت
بس تعال وينك الخوف تقول لك لا ما أبي عالي ودني الدانــــــه
الله يعينك عليها .... بس وينك كل شهر سوي فحص بالمستشفى عن الضغط والسكر
لأنه حتما لزما راح يجيك لا محاله منها
البنت الحنـــــــانه ( تززززززن )
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدنـــــــدره
يعني إذا بغت شي تقعد تحـــــــــــــــــــــــــــــن على راسك لين تعطيها اللي تبيه يعني لا تحاول ..... مثل الطاحونه ويمكن ارحم بعد
النوعيه هذي يبيلك تشتري سدادة أذن لك و كبر لها الوساده وخلها اللين تتعب
بس يونك لا تنسى تراجع طبيبك كل اسبوع مره اكيد بيصير عندك ورم براسك من كثر الزن والحن
البنت الكـــــريـمه
هذي النوعيه من البنات فـلـــــــــــه
عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله لك
فواتيرك مسدده
البترول لسيارتك ببلاش
ثياب العيد لا تفصلين ولا تحاتين روحي معاها السوق
والعطورات والهدايه كل اسبوع
وكل سنه الصيف بباريس والهدايا ما تنساك بس خلك لزقه معاها
واذا كانت مقتدره مره بشري بسيارتها لك
النوعيه هذي تصلح وقت اخر الشهر ( فطور وغداء وعشاء ببلاش )
البنت الغــيـــــوره
كل البنات غيورات لكن نسبت الغيره عندها تختلف من وحدة للثانية ..
بعض البنات يغاروون .. بس يعرفون شلون يدارون غيرتهم عن الغير
بس كويها يا ويلك منها ( تكويك صح وتذوقك الغيره على أصول )
وفيه غيره بسنع يعني زينه تخفيها وتنظر للموضوع بأنه عادي
بنت الســــــوق
هــــــذي بس لو تجيب طاري الســـــوق وهي نايمه فـــــزت
لا تعرف غايله ولا شمس ولا حر ولا برد ولا مطر
عوامل التعريه ما تأثر فيها
برمـــــــــائـيـــــــــه ما شاء الله عليها
هذي النوعيه كل اخبار السوق الجديد والقديم تحصله عندها
يعني لا تتعبين نفسك وتدورين المحلات كلها وتطيح رجولك
خذيها معاك وراح تدلك جميع محلات الموضوه وشنهو الجديد اللي نزل بالسوق
وفوق هذا الاسعار وشنهو الهدايه اللي يعطيها راعي المحل لزباينه
الناس هوايتهم اشياء مفيده بس هي هوايتها السوق
اصحاب المحلات عرفوها وصاروا ما يعطونها وجه من كثر ما تسأل ولا تشتري
الأفضل لا تمشين جنبها تراك بتخسرين ما راح حد يعطيك وجه
البنت الـطبــــــاخــــــه
كل اشرطة الفيديوا حقت افنان الزياني عندها
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
وأن جيت لريحتها ما تفرق بينها وبين ريحة المطبخ
تقول يستخدمون نفس العطر
وتكون مميزه .. دبــــــــــدوبـــــــــه
وقرعة اللماعين عندها سيمفونية بيتهوفون
بس طباخه .... تستفيدين منها لو تزوجتي بتعلمك
هم بعد احسن من غيرها عند الشدايد والبطون
بنت أم دمعـــــه
لا تحسبونه نوع جديد من العيش ( الرز )
مثل ابومنجا ...ولا الربيانه ... ولا الزيتونه
لا هذي البنت اللي دمعتها على الباب
لو تقولها .. بخ .. صاحت
هذي لو تقول لها قطوا الجيران ماتت صاحت عليه
تقول عندها دمـــــوع زايده ولا عارفه وين تصرفها
هذي زينه تخذينها معاج لميلس عزه ....
بتعزين عند ناس ..
وحده قاهرتك وتبين تضيقين خلقها .....
بس انتبهي من شي لا تخذينها معاك لفرح . بقلبينه منياحه لهم
بس زينه خذيها معاك عند باب مسجد تطرين معاها هااااه حلوه تكون معاك
انتم يا بنات المنتدى من اي نوع قولوا بصدق